ئنگلته‌رایێ سه‌ركه‌ڤتنه‌كا بزه‌حمه‌ت لسه‌ر كوسۆڤۆ تۆماركر

ئنگلته‌رایێ سه‌ركه‌ڤتنه‌كا بزه‌حمه‌ت لسه‌ر كوسۆڤۆ تۆماركر

WAAR-دهۆك:

ھەلبژارتییێ ئنگلتەرا سەرکێشییا کۆما ئێکێ بدەستڤەبر، پشتی سەرکەڤتنەکا بزەحمەت لسەر مێڤانا خۆ کوسوڤۆ تۆمارکری ب پێنج گۆلان بەرامبەر سێ گۆلان . ل چرکەیا ٣٤ ڤالون بێریشای مفا ژ خەلەتییەکا یاریکەرێن ئنگلتەرا دیت و گۆلا پێشکەڤتنێ بو کوسوڤۆ تۆمارکر، پشتی وێ ب حەفت خۆلەکان رەحیم ستێرلینگی گۆلا وەکھەڤییێ بۆ خودانا یاریگەھێ ئینا، و ل خۆلەکا ١٩ ھاری کینی گۆلا دووێ و پێشکەڤتنێ تۆمارکر، ل خۆلەکا ٣٨ پێشکەڤتنا سێ شێران موکوم بوو دەمێ بەرەڤانێ تیما مێڤان میرجیم ڤوجڤودای ب خەلەتیڤە گۆلا سێیێ لسەر گۆلپارێزێ خۆ ئینای، ل خۆلەکا ٤٤ یاریکەرێ گەنج جادون سانچوی گۆلا چارێ بۆ مێڤانداران تۆمارکر و دبیتە ئێکەم گۆلا وی یا نێڤدەولەتی، ھند پێڤە نەچوو ھەمان یاریکەری گۆلا پێنجێ ژی ئینا، لدەستپێکا نیڤا دووێ و ل خۆلەکا ٤٩ بێریشای گۆلا دووێ بو کوسوڤۆ تۆمارکر، و ل خۆلەکا ٥٥ ھەڤالێ وی ڤیدار موریکی ژ پەنەلتییێ گۆلا سێیێ ئینا، لێ یاری بسەرکەڤتنا ئنگلتەرا ب پێنج گۆلان بەرامبەر سێ گۆلان بداوی ھات و سەرکێشییا کۆمێ ب ١٩ خالان بدەستڤەبر.

بابه‌تێن ب ڤێ مژارێ ڤه‌ گرێدای