ئـەڤـێـن دبـێـژن (نـەخـێـر)بـۆ سـەرخـوەبـوونـێ کـێـنـە؟

دلۆڤان ئەمجەد بارزانی

کێ وان ھان ددەت؟ بۆ کێ کار دکەن؟ ئەرێ دێ چ ب دەست وان ڤەھێت؟ ژبەر چ ئەگەر ئەو دبێژن “نەخێر”؟

پشتی چەند سالەکا خەباتکرنا مللەتێ کۆرد بۆ سەرخەبوونێ، زۆر ب ڕەنگەکێ دیکە ل وان کەمپینێت دژی ڕیفراندۆمێ تێ دگەن، پسیار دکەن دبێژن “چاوا کۆرد دێ ھەبیت دژێ ئازادیا گەلێ خۆ بیت”؟

ئەڤە چەند سالە ئەم دبێژین “نەخێر” بەس نەخێر بۆ گەندەلیێ، نەخێر بۆ شەرێ ناڤخویی، نەخێر بۆ ب ھەدەردانا سامانێ گشتی، ھەر نەخێر و نەخێرا مە بوو بۆ ڤان تشتان.
لێ بەلێ ئەم چجارا دگەل ھندێ نەبووینە کۆ بێژین “نەخێر” بۆ سەرجەبوونێ، چۆنکی ھەمی دەما ھیڤیا مەیا مەزن سەرخەبوونا ھەرێما کۆردستانێ بوو

ڕێکەکا عاقلانەتر یا ھەی بۆ بینینا وان ھۆکارێت ل پشت بزوتنەوا “نەخێر”، ئەڤ ڕێکەیە یا ل مە دخازیت و دبێژیتە مە دا بزانین کا ئەرێ ئەڤێن “نەخێر” دڤێت کێنە؟ بۆ ھندێ ژی کۆ بزانین کا بۆچی وان ئەو بەرەیە ھەلبژاردیە، کێ ئەو وەلێ کرنە کۆ ڤێ ڕێکێ ھەلبژێرن. پسیار بۆ وان کەسێن دبێژن “نەخێر” بۆ سەرخەبوونێ.. پسیار ئەو نیە کا ھین دگەل حکۆمەتا ھەڕێما کۆردستانێ نە، یان نە؟ پسیارا ڕیفراندۆمێ ئەو نیە کا ئەرێ ھین دگەل پارتی و بارزانی دانە، یان نە؟ پسیار ئەو نیە کا ھین دگەل کێمیا مووچەی نە، یان نە؟

ئەڤ پسیارە بتنێ ئەوە: کا ئەرێ ھین دگەل سەرخەبوونا ھەڕێما کۆردستانێ دانە، یان نە..؟ ئەگەر خراپترین و مەزنترین دۆژمنێ کۆردستانێ ڤێ پسیارێ ل مە بکەت، لازمە ئەم بێژین بەلێ و ھزار جارا بەلێ، ئەو کەسێن بۆ سەرخەبوونا کۆردستانێ دبێژن “نە” نە بەرسڤا چ پسیارا دەنەڤە، بتنێ بەرسڤا وێ پسیارێ یە ئەوا ژێ ھاتیە کرن، کا بۆ کێ کار دکەن لبن دەستێ کێنە و فەرمانا کێ بجێھ دئینن؟ پێدڤی ناکەت کەس دلێ خۆ ب ھندێ خۆش بکەت و وەسا ھزر بکەتەڤە کۆ بەرسڤا “نە” بەرسڤا پسیارەکا دی ددەتەڤە. یان رەتکرنا دیاردەکا سیستەمێ حۆکمرانیێ یە یان وەکی ھندەك ژ حزب و لایەنێن سیاسی و کەنال کۆ بلاڤ دکەنەڤە ، ئەڤا ل ھندەك کەس و لایەنێن سیاسی و ب کەنالێن راگەھاندنێ ڤە گۆھلێ دبیت، ئەڤە ھەمی سەردابڕن و ئاڵۆزکرنا خەلکیە بۆ برن بەرەڤ رێکەکا خەلەت و نەباش، ئەرێ نابیت ب پرسین کا یا درستە ل کەربێت پارتی و بارزانی دا، راست و چەپا بسەر ڕیفراندۆمێ دا بینین بەڕۆڤاژی وێ بێژین.
ئەرێ دێ چێبیت ل عیراقەکێ دا پێکڤە بژین کۆ ھەتا نھا عەرەب و عەرەب لسەر ناڤێ عۆمەر و عەلی ڕۆژانە ئێکدی سەر ژێ بکەن. لێ بەلێ ئەم کۆرد ھیڤیا خۆشبەختینیێ ل گەل وان بدەین.

ئاگاداربن ئەڤێن ب “نە” بەرسڤێ ددەنەڤە ئەجندایێ دۆژمنێت کۆردستانێ جێبەجێ دکەن و بنسبەت کۆردا رەئیا جودا نیە، بەلکی غیانەتە و ل ئالیێ غیانەتێ یە و ناڤێ وی ژی ب غائین ل مێژوویا کۆردستانێ ھێتە تۆمار کرن.
چۆنکی ئەو کەسە خۆفڕۆشن کۆیلێت دەستێت دۆژمنێت کۆردستانێ نە، چجارا دڵسۆزێت ڤی وەڵاتی نەبووینە و نابن ژی ھەمی تەمەنێ خۆ یێ ب جاشاتیێ ڤە بڕی. ئەو کەسێن دگەل بەرەیێ “نەخێر” بۆ سەرخەبوونێ دا ئەو یێ مەزنترین غیانەتێ ل وەڵاتێ خۆ دکەن، دھەمان دەم دا یێ بێ ڕێزیێ بەرامبەر شەھید و ئەنفالکریێت کۆردستانێ دا دکەن. ھەمی دەما دێ سەرشۆربن بەرامبەر مێژوویێ و دایکێت شەھیدا.

دڤێت ئەم وێژی ژبیر نەکەین کۆ ھەر لایەنەکێ سیاسی یێ ئازادە ل ھندێ کۆ بۆ پڕسا سەرخەبوونێ بێژیت من مەرجێت ھەین، لێ بەلێ خەلکێ کۆردستانێ دڤێت ئەڤێ ژی بزانیت کۆ ھەبوونا مەرجا بۆ ھندێ کۆ پشتگیریێ ل ڕیفراندۆمێ بکەن تشتەکە و دژایەتی کرنا وێ ژی تشتەکێ دیە.

دھەمان دەم دا دڤێت وێ ژی دیار بکەین کۆ ب جۆرەکێ دژاییەتیا ڕیفراندۆمێ یا دھێتە کرن، کۆ نھا ئەم دبینین ل ناڤ چەند ڕاگەھاندنەکا دا ھێرشەکا نە ھەژی دژی ڕیفراندۆمێ و سەرخەبوونێ یا دھێتە کرن، ئەڤەش بۆ مە جھێ گۆمانێ یە، ئەگەر نە ھەر حزبەکا ئازادە مەرج ھەبن بۆ پشکداری کرن د ڕیفراندۆمێ دا.

ئەندامەکێ سەرکردایەتیا پارتی ل چاڤ پێکەفتنەکێ دا دبێژیت: ئەو میدیایێن سەر ب گۆرانێ یان نێزیك ل گۆرانێ، ئەڤ ھندا ئەو دژاییەتیا ڕیفراندۆمێ دکەن ئەڤ ھندە ل تۆرکیا و ئیران و بەغدا دژاییەتیا ڕیفراندۆمێ ب ڤی ئاستێ وان ناھێتە کرن.
ئەوان ترسەکا ل دەف خەلکی چێکری ب ئەگەرێ ڕاگەھاندنا سەرخەبوونێ، ئەڤە ئاراستەییەکا چێکریە و پیلان و بەرنامە یێت بۆ دارشتی.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.