ئـــەرێ خـــەلــك دێ ب گــەرمــی قـــەســتــا ســەر ســنــدۆقـــان کـــەت؟

دلۆڤان ئەمجەد بارزانی

چ گۆمان تێدا نینە ھەڵبژاردن ژبەر ھندێ دھێنە کرن دا ئەڤ ڕەوشا پێشتر و نھا ل کۆردستانێ دا ھەی بھێتە گۆرین و گۆڕانکاری تێدا بھێنە کڕن ڤێجا چ ل بۆارێ سیاسی بیت یان جڤاکی یان ئابووری بیت یان گەڵەك بۆارێن دی بیت. لێ بەلێ دڤێت ئەڤ ھەڵبژاردنە ل بەرژەوەندیا خەلکی ب تایبەتی و ھەڕێما کۆردستانێ ب گشتی دا بیت، نابیت ھەڵبژاردن بھێتە کڕن و چ ل ڕەوشا نھا ل ئارادا نھێتە گۆرین و ھەر ب ڤی ڕەنگی بمینیت و ئەڤ ڕەوشا نەیا باش ھەر بەردەوام بیت. بەلکی دڤێت ھەولا چێکڕن و باشتڕ کرنا ڤێ ڕەوشێ بدەن، ئەگەر یا باش ژی بیت باشتر و باشتر لێ بکەن، زێدەتر بەرەف پێشڤە ببەن، ب ڕەنگەکێ وەسا کۆ بشێن ڤی خەلکی ل خۆ ڕازی بکەن و ببنە جھێ ڕازی بوونا ھەمی تەخ و چینێن و مەزھەب و ئاینێن نھا ل ھەڕێمێ دا ھەی، ھەروەسا یا دیارە کۆ ئەڤە ھەمی ژخۆڕا ناھێتە کڕن و وەسا ب ساناھی جێبەجێ نابیت، ھەڵبەت دڤێت کار لسەر بھێتە کڕن و ھەمی ھەۆلێن خۆ بدەنە شۆلی دا بشێن ڤێ ڕەوشا ئاڵۆزا ئەڤە چەندە ل ئارادا ژناڤ ببەن و نەھێلن، خۆ ئەگەر نەشێن ب تەمامێ ژی نەھێلن و چارەسەر بکەن، لێ بەلێ ھەر دڤێت گۆڕانکاری تێدا بھێتە کڕن و ئەڤ ھەمی گۆڕانکارییەش د بەرژەوەندیا خەلکی دابن. نھا ئاڕیشا مەزنا ل ھەڕێما کۆردستانێ ھەی قەیرانا ئابوورییە، کۆ تەڤایا خەلکی ب دەست نەبوونا مووچەیان ڤە دناڵینن و ئاڕیشا سەرکی یا ھەر کەسەکێ یە د ھەڕێمێ دا، لەوما پێدڤیە ھەوڵەکا جدی بھێتەدان بۆ نەھێلانا ڤێ ئاڕیشا ئابووری، دڤێت ب ھەر ڕەنگەکێ بیت بھێتە چارەسەرکرن و ھەمی لایەنێن سیاسی پێکڤە کار لسەر بکەن نەھێلنە ب ھیڤیا لایەنەکێ بتنێ ڤە، چۆنکی ئەگەر ئەڤ ئاڕیشە ھاتە چارەسەرکرن ل وی دەمی دا دێ بنە جھێ ڕەزامەندیا خەلکی و دێ شێن دەنگێن گەلی ب دەست خۆڤە ئینن. ھەر دەمێ ئاڕیشە نەمان ئھا ئەو دەمە دەمەکێ گۆنجاییە بۆ دەنگدانێ، خەلك ژی دێ ب گەرمی قەستا سندۆقێن دەنگدانێ کەن و ب ڕەنگەکێ ئازادانە و دیموکراسیانە دێ دەنگێ خۆ دەنە وی لایەنی یان ئەو کەسێ وان دڤێت. وەکی ھاتیە دیار کڕن کۆ ل مێژوویا (١٢/٥/٢٠١٨)ێ بڕیارە ھەڵبژارتنێن ئەنجۆمەنا نۆێنەڕێن عیراقێ بھێنەکڕن، ھەروەسا وەکی پێشبینی دھێتەکڕن کۆ خەلك ب ڕەنگەکێ گشتی ل ھەڕێما کۆردستانێ د پێشوازیا وێ ڕۆژێ دا نینە و چ گەرمیەك پێڤە دیارنینە بۆ چوونا وان بوو بنگەھێن تۆمارکڕنا دەنگدەڕان دا ناڤێن خۆ ل سیستەمێ بایۆمەتڕی تۆمار بکەن، دا کارتێن دەنگدانێ وەڕبگرن و بشێن دەنگێ خۆ بدەن ، چۆنکێ ل ڕۆژا دەنگدانێ ھەر کەسەکێ ئەڤ کارتە نەبیت ئەوی کەسی مافێ دەنگدانێ نینە و دەنگێ وی دێ سۆژیت و نەشێت دەنگێ خۆ بدەت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.