ئسپانیا ناسناڤێ مۆندیالا باسكتبۆلێ بده‌ستڤه‌بر

ئسپانیا ناسناڤێ مۆندیالا باسكتبۆلێ بده‌ستڤه‌بر

WAAR-دهۆك:

بۆ جارا دووێ د دیرۆکا خوە دا ھەلبژارتیێ ئسپانیا بناسناڤێ مۆندیالا باسکتبۆلێ ل وەلاتێ چینێ ھاتە خەلاتکرن. دەمێ د فینالێ سەرکەڤتنەکا ب ساناھی لسەر ھەلبژارتیێ ئەرجەنتینێ ب ٩٥ خالان بەرامبەر ٧٥ خالان تۆمارکری. لارۆخا کۆنترۆلا ھەموو چارێکێن ڤێ دیدارێ کر و دەلیڤە نەدا ئەرجەنتینێ قەرەبۆیا خالان بکەت. و ھەردوو ستێرێن ئسپانی ریکی رۆبیۆی و مارک گاسۆلی رۆلەکێ بەرچاڤ دڤێ سەرکەڤتنێ ھەبوو.کۆ رۆبیۆ شیا ٢٠ خالان تۆماربکەت و گاسۆلی ١٤ خال ئینان دگەل ٦ ئاسێستان. دبەرامبەر دا ستێرا تانگۆ لۆیس سکۆلای ١٦ خال ئینان لێ تێرا ھندێ نەکر تیما وی ژ دۆراندنێ قۆرتال بیت. ھەژی گۆتنێ یە ناسناڤێ ئێکێ یێ ئسپانیا ل سالا ٢٠٠٦ێ بوو ل چاپانێ و ھەلگرا ناسناڤێ وەشانا ئێکێ یا ڤێ مۆندیالێ ھەلبژارتیێ ئەرجەنتینێ ، بۆ جارا دووێ یە د فینالێ دا دھێتە دۆراندن پشتی ل سالا ٢٠٠٢ لسەر دەستێ ئەمریکا ناسناڤ ژدەستدای.

بابه‌تێن ب ڤێ مژارێ ڤه‌ گرێدای