ئسپانیایێ داخوازا لێبۆرینێ ژ کەتەلۆنییان کر

ئسپانیایێ داخوازا لێبۆرینێ ژ کەتەلۆنییان کر

WAAR-دهۆك:

نوونەرێ ئسپانیا ل ھەرێما کەتەلۆنیا داخوازا لیبۆرینێ ژ کەتەلۆنییان کر ل دۆر ئەو توندوتیژییا پۆلیسێن ئسپانی د رێفراندۆما سەرخوەبوونا وێ ھەرێمێ دا بکارئینای.
ئێنریک میۆ نوونەرێ حکومەتا ئسپانیا ل ھەرێما کەتەلۆنیا ب مەرەما ئارامکرنا قەیرانا پشتی رێفراندۆمێ داخوازا لێبۆرینێ ژ پێش پۆلیسان ڤە کر.
ژ ئالییەکێ دی ڤە پارتیێن جوداخوازێن کەتەلۆنیا كار بۆ راگه‌هاندنا سه‌رخوه‌بوونێ دكه‌ن و ل گۆری پەیڤدارا پەرلەمانێ کەته‌لۆنیا سەرۆکێ وی ھەرێمێ داخوازا کۆمبوونا پەرلەمانی بۆ رۆژا سێشەمبی ل شوونا دوشەمبیێ کرییە بۆ گۆتوبێژکرنا رەوشا سیاسی.
ماریانۆ راخۆی، سەرۆکوەزیرێن ئسپانیا داخوازا دانوستانان ژ ھەمی ئالیێن سیاسی کر بۆ دیتنا چارەسەرییەکێ و دەرگە بۆ پێدانا ئۆتۆمیەکا پتر بۆ کەتەلۆنییا کر لێ جودابوونا وێ ھەرێمی ژ ئسپانیا رەت کر.
ل ئێکشەمبا بۆری کەتەلۆنییان پرۆسەیا رێفراندۆما سەرخوەبوونێ بجھئینا لێ پۆلیسێن ئسپانیا بزاڤکر بھێزێ وێ پرۆسەیێ تێکدەت و د ئەجام دا پتری ھەشتسەد سڤیلان بریندار بوون.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.