ئسرائیل.. ھەلبژارتنێن پەرلەمانی دەستپێ کرن

ئسرائیل.. ھەلبژارتنێن پەرلەمانی دەستپێ کرن

WAAR-دهۆك:

ھەلبژارتنێن پەرلەمانێ ئسرائیلێ ئەڤرۆ سپێدێ دەستپێکرن و ھەڤرکیەکا بھێز د ناڤبەرا ھەردو پارتیێن سەرەکی دا دھێتە دیتن.
خەلکێ ئسرائیلێ ئەڤرۆ سپێدێ سات 7 بەرەڤ بنگەھێن دەنگدانێ ڤە چوون و دێ 120 ئەندامێن کنێستێ ھەلبژێرن، د ھەلبژارتنێن ئەڤرۆ دا چارەنڤێسێ بنیامێن نەتەنیاھۆ، سەرۆکێ وەزیران و پارتیا وی یا لیکۆد دێ دیار بیت، ژ بەرکو ھەڤرکیەکا بھێز د گەل پارتیا شین و سپی دا ھەیە.
د ئەڤسالە دا دوەم جارە ھەلبژارتن ل ئسرائیلێ دھێنە کرن، پێشتر پارتیا لیکۆد یا دەستھەلاتدار نەشیا ھەڤپەیمانیا حکومەتێ پێکبینیت و بریارا ھەلبژارتنێن پێشوەخت ھات دان.
ھەلبژارتنێن ئەڤرۆ یێن ئسرائیلێ گرنگیەکا مەزن بۆ ھەموو دەڤەرێ ھەیە، ژ بەرکو ئەمریکا پشتی ڤان ھەلبژارتنان دێ پلانا خوە یا چەرخی ل دەڤەرێ ئاشکرا کەت.

بابه‌تێن ب ڤێ مژارێ ڤه‌ گرێدای