ئسرائیل دێ رۆژنامه‌ڤانێن ئیراقی و سعوودی مێهڤان كه‌ت

ئسرائیل دێ رۆژنامه‌ڤانێن ئیراقی و سعوودی مێهڤان كه‌ت

WAAR-دهۆك:

بۆ ئێكه‌م جار د دیرۆكا خوه‌ دا ئسرائیل دێ شه‌ش رۆژنامه‌ڤانان ژ وه‌لاتێن عه‌ره‌بی مێهڤان كه‌ت كو رۆژنامه‌ڤانێن ئیراق و سعوودیه‌ ژی بخوه‌ ڤه‌ دگرن.
وه‌زاره‌تا ده‌رڤه‌ یا ئسرائیلێ راگه‌هاند، ل ڤێ حه‌فتیێ دێ شه‌ش رۆژنامه‌ڤانێن عه‌ره‌ب ل ئسرائیلێ هێنه‌ مێهڤان كرن و رۆژنامه‌ڤانێن ئیراقی و سعوودی ژی ل گه‌لن كو ئسرائیلێ په‌یوه‌ندیێن دپلۆماسی ل گه‌ل نینن.
ل گۆره‌ی وه‌زاره‌تا ده‌رڤه‌ یا ئسرائیلێ، ئه‌و رۆژنامه‌ڤان دێ سه‌ره‌دانا مۆنۆمێنتا هۆلۆكۆستێ ل قودسێ و په‌رله‌مانێ ئسرائیلێ و جهێن پیرۆز كه‌ن و دێ ئسرائیل هه‌لوه‌ستێن خوه‌ یێن دپلۆماسی و جیۆلۆجی بۆ شرۆڤه‌ كه‌ت.
وه‌لاتێن عه‌ره‌بی دانپێدان ب ئسرائیلێ نه‌كرییه‌ ژبه‌ركو ب داگیركرنا به‌رده‌وام یا فه‌له‌ستینێ سووچبار دكه‌ن و تا نها بتنێ ئۆردن و مسرێ په‌یوه‌ندیێن دپلۆماسی ل گه‌ل وی وه‌لاتی هه‌نه‌.
ئسرائیل بزاڤا دروستكرنا په‌یوه‌ندییان ل گه‌ل وه‌لاتێن كه‌نداڤا عه‌ره‌بی دكه‌ت د ده‌مه‌كی دا دژایه‌تیا ئیرانێ دكه‌ت.

بابه‌تێن ب ڤێ مژارێ ڤه‌ گرێدای