ئسرائیلێ 15 پێگەھێن حەماسێ بۆمبەباران کرن

ئسرائیلێ 15 پێگەھێن حەماسێ بۆمبەباران کرن

WAAR-دهۆك:

فرۆکەیێن شەرکەر یێن ئسرائیلێ ئەڤرۆ سپێدێ 15 پێگەھێن تەڤگەرا حەماس یا فەلەستینی ل غەززە بۆمبەباران کرن لێ زیانێن گیانی دیار نینن.
ئاژانسا ئەنادۆل بەلاڤکر، ئەڤرۆ سپێدێ فرۆکەیێن شەرکەر یێن سوپایێ ئسرائیلێ ھەژمارەکا پێگەھێن گروپێن فەلەستینی ل باکۆر و ناڤەراستا کەرتێ غەززە بۆمبەباران کرن و دا زانین: کو زیانێن گیانی دیار نینن لێ زیانێن مەزن گەھشتن جھێ بۆمبەبارانێ.
ژ ئالییێ خوە ڤە سوپایێ ئسرائیلێ د بەیانەکێ دا راگەھاند؛ د ھێرشێ دا پازدە پێگەھێن تەڤگەرا حەماسێ بوونە ئارامانجا فرۆکەیێن وان یێن شەرکەر و دیار کر، کو ھێرش ژی بەرسڤا وان مۆشەکان بۆ یێن شڤێدی ژ غەززە بەر ه‌ڤ ئسرائیلێ ڤە ھاتین ھاڤێتن.
شڤێدی دو مۆشەک ژ غەززە بەر ب ئسرائیلێ ڤە ھاتبوونه‌ ھاڤێتن، وێ یەکێ بنیامێن نەتەنیاھۆ سەرۆککوەزیرێن وی وەلاتی نەچار کر ل باژاێ ئسود ل باشۆرێ وی وەلاتی گۆتارا خوە یا ھەلبژارتنان ل ھەمبەر ئالیگرێن خوە ب داوی بینیت.

بابه‌تێن ب ڤێ مژارێ ڤه‌ گرێدای