ئزمیر.. نێزیکی 40 رێکخستنێن تورکیا پشتەڤانییا هەدەپێ کر

ئزمیر.. نێزیکی 40 رێکخستنێن تورکیا پشتەڤانییا هەدەپێ کر

WAAR-دهۆك:

نێزیکی 40 رێکخستنێن تورکیا ل ئزمیرێ کۆم بوون و رەخنە ل سەپاندنا قەیوومان ل سه‌ر شاره‌داییان ل باکۆرێ کوردستانێ گرتن.
پەیامنێرێ وار ل باکورێ کوردستانێ و تورکیا دا زانین: ئەڤرۆ ل ئزمیرێ سیهـ و حەفت رێکخستنێن پیشەیی، سازییێن سڤیل و سیاسی ل بارۆیا ئزمیرێ کۆم بوون و راگەهاندنەکا نڤیسکی ل دژی بریارا سەپاندنا قەیوومان ل شوونا شارەدارێن هەدەپێ ل ئامەد، وان و مێردینێ بەلاڤ کر.
دا زانین ژی: د راگەهاندنێ دا هاتییە، هەرسێ شارەدارێن لادایی یێن هەدەپێ ژ ئالییێ کۆمسیۆنا هەلبژارتنان ڤە هاتبوونه‌ پەسەندکرن و ب دەنگێن وەلاتییان سەرکەفتینە، لەورا بریارا دانانا قەیوومان ل شوونا وان دەربەکا مەزنە ل دژى دیمۆکراسییێ.
هەروەسا زان سازییان راگەهاندییە، ڤێ بریارا حکومەتا تورکیا، ژ بلی قەیرانێن ئابۆری، سیاسی و جڤاکی یێن تورکیا، قەیرانەکا دیمۆکراسی ژی پەیدا کرییە.

بابه‌تێن ب ڤێ مژارێ ڤه‌ گرێدای