ئایدولۆژیا پەکەکێ و داگیرکرنا رۆژئاڤایێ کوردستانێ

هوزان عەبدوللا

گورانکاریێن چەرخێ بیست و ئێکێ ل رۆژهەلاتا ناڤین ژ هەمیی لایەکی ڤە د چاڤەرێکری بوون، بهارا عەرەبی بوو ئەگەر گەلەک وەلات بببنە مەیدانا شەر و ئالۆزیان و تا نها ژ شەر و برساتیێ د نالن. سوریا ئێک ژ وان وەلاتان بوو کەفتیە دناڤا ئالۆزی و شەران دا رۆژئاڤایێ کوردستانێ ژی بێ بەهر نەبوو ژ وان شەران، یەپەگێ ب رێیا شەرڤانان شیان پتریا دەڤەرێن کوردی ژ وان شەران ب پارێزن و رزگار بکەن و دەستەلاتا خوە ل سەر دەڤەرێن کوردی خورت بکەن د دەمەکی دا چ هەول بۆ ڤەگەراندنا خەلکێ وان دەڤەران و خوشکرنا ژیانان وان و پێکول بۆ ئێکگرتنا هەموو پارتێن کوردی ل وێ پارچەیا کوردستانێ نەکر .
تێکچوونا رەوشا سوریا ژ لایێ سەربازی و ئابوری دەلیڤەیەکا هەری باش ل هەمبەر هێزێن کوردی ل رۆژئاڤایێ کوردستانێ درست کر ژبو کو مینا هەرێما کوردستانێ ل باشووری ببن خوەدان دەستەلاتا ئەتونومی و ب شێن وەک هەرێمێ ب ئازادی بژین و بشێن دەستکەفتان ژ بۆ خوە توماربکەن، لێ مخابن پەیەدێ ب رێیا بالێ خوە یێ سەربازی یەپەگێ کو ب ئایدولوژی و هزر ب سەر پەکەکێ ڤەنە کەتنە جێبەجێکرنا هزر و ئایدولیژیا پەکەکێ و بەرژەوەندا وێ پارتێ بوو وان بۆ کارێ دەستپێکی و نەهزرکرن د بەرژەوەند و پاشەروژا وێ پارچێ بۆ ئەگەر د نهادا ئەو پارچا کوردستانێ کەتییە د مەترسیەکا مەزن دا، ئەزموونا سەرکردەیێن باشورێ کوردستانێ د پاراستنا دەستکەفتان دا و راگرتنا بەلانسا بەرژەوەندیێن وەلاتی دگەل دوژمن و دوستێن ناڤخوە و بیانی بوویە ئەگەر نها هەرێما کوردستانێ خوەدان دەستکەفت و ناڤەکێ گران بیت ل سەرانسەری جیهانێ، دگەل ئالوزبوونا رەوشا سووریا سەرۆکێ وی دەمی یێ هەرێما کوردستانێ مەسعوود بارزانی ب هەمی شیانان کار بۆ لێکنزیکرنا پارتێن روژئاڤا کر ژ بۆ هندێ بشێن ڤێ دەلیڤێ د بەرژەوەندا وێ پارچا کوردستانێ دا ب کاربینن، رێکەفتنا دهۆکێ ژ مەزنترین دەستکەفتان بوو لێ پشتی ڤەگەریانا وان پارتان ب تایبەت پەیەدێ ب چ رەنگان ئەو رێکەفتنە جێبەجێنەکر و دژاتیا هەموو پارتێن دی کر و کەتە جێبەجێکرنا ئایدولوژیا پەکەکێ ل وێ پارچەیێ ئەڤەژی بوو ئەگەر پتر مەترسی بکەڤیتە سەر وێ پارچەیێ، زۆر جاران حکومەتا هەرێمێ ژی ب رێیا سەرۆکێ حکومەتێ هوشداری داینە پەیەدێ کو خوە ژ ئایدولۆژیا پەکەکێ رزگاربکەن داکو رۆژئاڤا نەکەڤیتە دبن مەترسیێ دا لێ سەرکردەیێن رۆژئاڤا دژاتیا ڤێ گوتنێ دکر و ئێدی بەرهەڤ ژی نەبوو چ پەیوەندیان دگەل پارتێن باشوور بکەن، ب ڤێ چەندێ پەیەدێ و بالێ وێ یێ سەربازی یەپەگێ رۆژئاڤا کرە مەیدانا گوتوبێژێن ب ترس دناڤبەرا گەلەک وەلاتان دا ب تایبەت تورکیا، ب هێجەتا پاراستنا سنورێ خوە ژ مەترسیا تیرورستان یا کو د چاڤێن تورکیا دا ( یەپەگە، پەیەدە، هەسەدە ، پەکەکە) یە بوو ئەگەر عەفرین ژ دەست کوردان بهێتە دەر و نهاژی مەترسیا ژ دەستدانا دەڤەرێن دیژی د رێدانە و ئەڤە هەمی ژی ب ئاگاداریا هەموو وەلاتان دهێتە کرن.
نەگوهداریکرنا پەیەدێ ژ بۆ گوتنێن سەرۆک بارزانی و دیسان نێچێرڤان بارزانی بوو ئەگەر ئەو دەلیڤەیا زێرین یا ژ بۆ وێ پارچا کوردستانێ بدەست کەفتی بهێتە ژ دەست دان، ئێدی خوە سەپاندان وێ پارتێ ب جێبەجێکرنا ئایدولوژیا پەکەکێ ئەگەرێ ژناڤچوونا وێ پارچێ هەیە، پەنابرنا سەرکردەیێن رۆژئاڤا بۆ پارچێن دی یێن کوردستانێ گەلەک درەنگ هات و ئێدی تورکیا رێیا خوە ب هاریکاریا وەلاتێن زلهێز دیتیە بو داگیرکرنا وێ پارچا کوردستانێ، رێگریکرن ل ڤەگەریا خەلکی بۆ دەڤەرێن وان و دیسان رێگریکرنا ل چوونا پێشمەرگەیێن رۆژئاڤا ئەگەرێ هەرە سەرەکی یێ مەترسیا نهایە ل رۆژئاڤا.

بابه‌تێن ب ڤێ مژارێ ڤه‌ گرێدای