ئاکار: مە ئارمانجێن تایبەت ل باکۆرێ سوورییێ ھەنە

ئاکار: مە ئارمانجێن تایبەت ل باکۆرێ سوورییێ ھەنە

WAAR-دهۆك:

وەزیرێ بەرگرییا تورکیا ئاشکەر کر؛ ئه‌گەر کارێ نا‌ڤەندا ئۆپەراسیۆنێن ھەڤپشک د گەل ئەمریکا سەرنەگرت، وان پلان و ئارمانجێن تایبەت بۆ باکۆرێ سوورییێ ھەنە.
خلوسی ئاکار، وەزیرێ بەرگرییا تورکیا راگەھاند: تورکیا دێ ل نزیکترین دەم دەست ب دامەزراندنا ناڤەندا ئۆپەراسیۆنێن ھەڤپشک د گەل ئەمریکا كه‌ت ژ بۆ دامەزراندنا دەڤەرا ئارام ل باکۆرێ سوورییێ و ئەمریکا ھاتییە ھایدارکرن کو ھەر دەما ھەڤدژی د پلان و بجھئینانا ریککەفتنێ دا چێبوو، تورکیا دێ پلانێن خوە یێن تایبەت بجیھـ ئینیت.
خلۆسى ئاکاری گۆت ژی: تورکیا ئەمریکا ب ئاوایەکێ ڤەبر ھایدار کرییە کو ئەو ب چ رەنگان رێ نادەن رێرەوەکێ پەکەکێ هه‌بیت و مەرجێن وان ژی بۆ دەڤەرا ئارام ئەون ب کووراھییا سیھـ تا چل کیلۆمەتران بیت، ھەموو شەرڤانێن یەکینەیێن پاراستنا گەل، یەپەگێ ژێ بھێنه‌ ڤەکێشان و ئەمریکا ھاریکاری و پشتەڤانییێن خوە بۆ یەپەگێ رابوەستینیت.
وەزیرێ بەرگرییا تورکیا ئاشکەرا ژی کر؛ تورکیا ئارمانجێن تایبەت ل باکۆرێ سوورییێ ھەنە، لێ نھا بۆ چ ئالییان ئاشکەرا ناکەت.

 

وەزیرێ بەرگرییا تورکیا پرسا قوبرسێ وەک پرسەکا نەتەوەیی یا تورکیا و تورکان دا دیارکرن و راگەھاند کو ئەو چ دەستبەردارییان بۆ وێ پرسێ ناکەن.
خلوسی ئاکار، وەزیرێ بەرگرییا تورکیا راگەھاند: پرسا گراڤا قوبرسی پرسەکا نەتەوەیی یە بۆ تورکیا و ئەو دزانن کو قەدەرا وان و برایێن وان یێن قوبرسا تورکی ئێکە، لەورا ژی ئەو دەستبەرداری چ مافێن سیاسی و ئێمناھی یێن تورکێن قوبرسێ نابن.
ئاکاری گۆت ژی: تورکیا ھیڤی دکەت چارەیەکا ئاشتیانە و ل گۆری یاساییێن نێڤدەولەتی بۆ پرسا قوبرسێ بھێت دیتن و پێدڤییە ھەمی ئالی بزانن کو تورکیا وەلاتەکێ گرەنتیکارە و رێ نادەت دیفاکتۆ بھێت سەپاندن و چ بریار و چارەیێن تورکیا و کۆمارا باکۆرێ قوبرسێ نە پشکەک بن ژێ، سەرناگریت.

بابه‌تێن ب ڤێ مژارێ ڤه‌ گرێدای