ئامەد.. 5 کەس د شەرێ 2 مالباتان دا ھاتن کوشتن

ئامەد.. 5 کەس د شەرێ 2 مالباتان دا ھاتن کوشتن

WAAR-دهوك:

ل گوندەکێ فارقینا ئامەدێ دو مالب ب شەر چوون و د ئەنجام دا پێنج کەس ھاتن کوشتن و ھەشت بریندار بوون.
نائل کادرھان، پەیامنێرێ وار ل باکۆرێ کوردستانێ، دیار کر؛ ئەڤرۆ ل گوندێ رەشکێ یێ سەر ب ناوچەدارییا فارقینێ یا سەر ب پارێزگەھا ئامەدێ یا باکۆرێ کوردستانێ ڤە، دو مالبات ژ بەر پرسگرێکەکا خزمانییێ بشەر چوون و مالباتەکا دی ژی ژ بۆ ھاریکارییا مالباتەکێ ژ وان، تەڤلی شەری بوو و دەمانجە و کلاشینکۆف تێدا ھاتن بکارئینان.
ھەروەسا ئاشکەرا کر؛ د شەرێ وان مالباتان دا پێنج کەس ھاتن کوشتن کو ژنەک ژی د گەل دا یە و ھێزێن ئێمناھییێ ژ بۆ کۆنترۆلکرنا رەوشێ بەرێ خوە دایە وی گوندی و لێکۆلینان ل سه‌ر بوویه‌رێ ده‌ست پێ کرییه‌.

بابه‌تێن ب ڤێ مژارێ ڤه‌ گرێدای