ئاكرێ.. دانعه‌مره‌كێ 82 سال خوه‌ ب كلاشینكۆفێ كوشت

ئاكرێ.. دانعه‌مره‌كێ 82 سال خوه‌ ب كلاشینكۆفێ كوشت

WAAR-دهۆك:

دانعه‌مره‌كێ 82 سالی شڤێدی ل سنۆرێ ده‌ڤه‌ردارییا ئاكرێ داوی ب ژیانا خوه‌ ئینا، پشتی گولـلەیه‌كا كلاشینكۆفێ ل زكێ خوه‌ دای.
سه‌لام مشیر، په‌یامنێرێ وار ل ئاكرێ دیاركر، شڤێدی كه‌سه‌ك دانعه‌مر كو د ته‌مه‌نێ 82 سالیێ دابوو، ل مالا زاڤایێ خوه‌ ل گوندێ باكورمان یێ سه‌ر ب ده‌ڤه‌ردارییا ئاكرێ ڤه‌، گولـلەیه‌ك ل زكێ خوه‌ دایه‌ و هه‌ر راست گیانێ خوه‌ ژ ده‌ستدا.
دیار ژی كر، قوربانی كو ناڤێ وی خالد له‌شكه‌ری یه‌، به‌ری خوه‌ بكوژیت، چوویه‌ ده‌ڤ هه‌ڤژینا خوه‌ و داخوازا گه‌رده‌ن ئازاكرنێ ژێ كرییه‌، پاشی چوویه‌ ب چه‌كێ كلاشینكۆفێ گولـلەیه‌ك ل زكێ خوه‌ دایه‌.
په‌یامنێرێ وار ئاماژه‌كر، ته‌رمێ وی دانعه‌مری ژبۆ نۆشدارییا داد یا دهۆكێ هاتبوو هنارتن و ئه‌ڤرۆ ژی دێ ل گۆرستانا گوندی هێت ڤه‌شارتن.
ل گۆری زانیاریێن په‌یامنێرێ وار، وی دانعه‌مری كه‌سێ خوه‌ نه‌مابوو، له‌و ده‌مه‌ك بوو ل مالا زاڤایێ خوه‌ د ژییا، مالا كو لێ دژییا ژی دبێژیت: وی نه‌خۆشییا ده‌روونی هه‌بوو و گه‌له‌ك جاران گه‌فا خوه‌كوشتنێ كرییه‌.

بابه‌تێن ب ڤێ مژارێ ڤه‌ گرێدای