ئاشتى هه‌ورامی: دوماهییا ڤێ هه‌فتیێ كێشه‌یا پانزینێ نامینیت

ئاشتى هه‌ورامی: دوماهییا ڤێ هه‌فتیێ كێشه‌یا پانزینێ نامینیت

وار –  دهۆك :

وه‌زیرێ سامانێن سروشتیێ حوكمه‌تا هه‌رێما كوردستانێ راگه‌هاند؛ تا دوماهییا ڤێ هه‌فتیێ كێشه‌یا كێمیا پانزینێ ل هه‌رێمێ نامینیت.

ئاشتى هه‌ورامى ئه‌ڤ چه‌نده‌ دوهى ب په‌ڕله‌مانتارێ دهۆكێ دلشاد شه‌عبان جێگرێ سه‌رۆكێ لژنه‌یا سامانێن سروشتى راگه‌هاندییه‌.

دلشاد شه‌عبان د ڤێ ده‌ربارێ دا زێده‌تر بۆ وار گۆت: “هه‌ورامى ئه‌و هایداركرینه‌ كو گرێبه‌ست هاتنه‌ گرێدان بۆ هندێ پانزین ژ توركیا بۆ دهۆكێ بهێت، زێده‌بارى وێ ئه‌وا ژ ئیرانێ و به‌رهه‌مێن كه‌له‌ك و بازیان”.

دوپاتكر كو وه‌زیرێ سامانێن سروشتى بۆ وان دایه‌ دیاركرن كو ل دوماهییا ڤێ هه‌فتیێ تا ده‌ستپێكا هه‌فتییا بهێت دێ كێشه‌یا پانزینێ ل هه‌رێمێ چاره‌بیت.

سه‌باره‌ت گرانكرنا بهایێ پانزینا بازرگانى ژى جێگرێ سه‌رۆكێ لژنه‌یا سامانێن سروشتى ل په‌ڕله‌مانێ كوردستانێ گۆت: “تنێ بۆ چاره‌كرنا كێشه‌یا رێ هاتیه‌ دان ئه‌و پانزینێ بینن ب بهایێ 950 دیناران بفرۆشن، لێ گه‌ر كێشه‌یا كێمیا پانزینێ چاره‌بوو، ئه‌وژى نامینیت”.

بابه‌تێن ب ڤێ مژارێ ڤه‌ گرێدای