ئاشتى مسته‌فا: ئه‌گه‌ر ده‌لیڤه‌یێن ژ ده‌ست مه‌ چووین دوباره‌ نه‌بن دێ چینه‌ سه‌رێ لیستێ

ئاشتى مسته‌فا: ئه‌گه‌ر ده‌لیڤه‌یێن ژ ده‌ست مه‌ چووین دوباره‌ نه‌بن دێ چینه‌ سه‌رێ لیستێ

وار – تاهر رێكانى :

د داخۆیانیه‌كێ دا هاریكارێ راهێنه‌رێ یانه‌یا دهۆك بۆ رۆژنامه‌یا وار دیاركر كو دماوه‌یێ هه‌ردو یاریێن بۆریدا ئه‌وا مه‌ ژ یاریكه‌ران ڤییا هاته‌ بجهئینان و مه‌ ده‌لیڤه‌ یا هه‌ى سه‌رێ لیستا كۆمێ خۆ بده‌ستڤه‌بینین.
ئاشتى مسته‌فا زێده‌تر دبێژیت، راسته‌ نۆكه‌ ئه‌م لرێزا دوماهییا كۆما خۆ دهێن به‌لێ ئه‌ڤه‌ هندێ ناگه‌هینیت كو ئاستێ تیما مه‌ یێ لاوازه‌ و یاریكه‌رێن مه‌ شیان نینن، به‌رۆڤاژى ئه‌گه‌ر ئه‌م هزر د یاریێن خۆ یێن هه‌رسێ یاریێن بۆریدا بكه‌ین ئاستێ تیما مه‌ ب گشتى ژ ئاستێ هه‌ڤركێن مه‌ باشتر بوو، به‌لێ ژ ده‌ستدانا ده‌لیڤه‌یان ئه‌م پاشڤه‌برینه‌.
د به‌رده‌وامییا گۆتنێن خۆدا ناڤبرى گۆت، پێ نه‌ڤێت ماوه‌یه‌كێ درێژه‌ و پترى سێ حه‌فتیانه‌ خول هاتیه‌ راوه‌ستاندن و دگه‌ل هندى مه‌ژى ده‌لیڤه‌ دا یاریكه‌رێن خۆ بجنه‌ بهێن ڤه‌دانێ و پشتى ڤه‌گه‌ریاینه‌ لسه‌ر راهێنانێن خۆ، ژبه‌ر پێدڤییا یاریێن هه‌ڤالینى مه‌ دو یاری‌ دگه‌ل تیما به‌غدا كرن كو ئێك ژ تیمێن بهێزه‌ و لرێزا دووێ د كۆما ئێكێ دا هێت و مفایه‌كێ مه‌زن گه‌هشته‌ یاریكه‌رێن و مه‌ زانى خالێن بهێز و یێن لاوازیێ د كێرێدا هه‌نه‌ و ب ئانه‌هیا خۆدێ به‌رى یاریا به‌رامبه‌ر یانه‌یا مینا هه‌موو دێ هێنه‌ چاره‌سه‌ركرن و دێ به‌رهه‌ڤبین بۆ ڤێ یاریێ، ئه‌و پلانا مه‌ بۆ یاریكه‌ران داناى هاته‌ بجهئینان، راسته‌ د هه‌ردو یارییاندا ئه‌م وه‌كهه‌ڤبووین، به‌لێ تشته‌كێ باش هاته‌كرن ئه‌م ژئ استێ تیمێ ب گشتى رازینه‌، ده‌رباره‌ى به‌رهه‌ڤیێن تیمێ بۆ یاریێن قۆناغا دووێ ناڤبرى دیاركر و گۆت، پێنه‌ڤێت ئاستێ هه‌رسێ تیمانی یێ نێزیكى ئێكه‌ و مه‌ باوه‌رى یا هه‌ى كو دێ د هه‌رسێ یاریێن بهێت دا تشته‌كێ باشتر كه‌ین و ئه‌گه‌ر ئه‌و پلانا ئه‌م بۆ یاریكه‌ران د دانین بهێته‌ بجهئینان پێ نه‌ڤێت تیما دهۆكێ شیانێن هه‌ین بگه‌هیته‌ سه‌رێ لیستا كۆما دووێ.
تێزانین یانه‌یا دهۆك د هه‌ردو یاریێن خۆ یێن هه‌ڤالیندا به‌رامبه‌ر یانه‌یا به‌غدا وه‌كهه‌ڤبوو(1-1) و (2-2) گۆلان و ئێكه‌م یارییا وان یا بهێت دگه‌ل یانه‌یا مینا ل رۆژا 23ێ ڤێ مه‌هێ دێ هێته‌ كرن.

بابه‌تێن ب ڤێ مژارێ ڤه‌ گرێدای