ئاساییشا سلێمانیێ سکرتێرێ شاسوار عەبدولواحدی گرت

ئاساییشا سلێمانیێ سکرتێرێ شاسوار عەبدولواحدی گرت

WAAR-دهۆك:

ئاساییشا سلێمانیێ ل دووڤ داخوازا پەرلەمانتارەکا نەوەی نوێ، سکرتێرێ شاسوار عەبدولواحدی گرت و دەست ب سەر کەل و پەلێن ئەلکترۆنی یێن وی دا گرت.
پەیامنێرا وار ل سلێمانیێ ژ زارێ پەرلەمانتارەکێ نەوەی نوێ دیار کر، ئاساییشا سلێمانیێ شڤێدی سکرتێرێ تایبەتێ شاسوار عەبدولواحد، سەرۆکێ نەوەی نوێ، گرتییە و دەست ب سەر کۆمپیۆتەر، مۆبایل و ئامیرێن وی یێن ئەلکترۆنی دا گرتییە.
هەروەسا خۆیا کر، نەوەی نوێ تا نها چ داخۆیانیێن فەرمی ل سەر چەوانی و ئەگەرێ گرتنا وی نەداینە و ئەڤرۆ دێ کۆنگرەیەکێ رۆژنامەڤانی ل سەر بابەتی هەبیت.
مەدیایێن نێزیک ئێکەتییا نشتیمانی ئاماژە دکەن، گرتنا سکرتێرێ شاسواری، ل دووڤ داخوازا پەرلەمانتارەکا نەوەی نوێ یە.
شادی نەوزاد، ئەنداما پەرلەمانێ کوردستانێ کو سەر ب لیستا نەوەی نوێ ڤەیە، دوهی د کۆنگرەیەکێ رۆژنامەڤانی دا راگەهاندبوو، شاسوار عەبدولواحد و هندەک کەسێن نێزیک وی، گەفێن بەلاڤکرنا ڤیدیۆیێن وان یێن رویس کو دەستکاری تێدا هاتینە کرن، دکەن.

بابه‌تێن ب ڤێ مژارێ ڤه‌ گرێدای