ئاریشێن ئه‌قلى مه‌ترسیدارترن یان یێن ئابۆرى؟

ژێگر سادق

ئەز دبینم یا گرنگە ژن و زەلام تێبگەھن و پەرتووکان بخوینن بۆ ھندێ زال ببن ل سەر ھەمی ئاستەنگێن ژیانێ، ل ھەرێما کوردستانێ مخابن ھەتا نوکە سازیێن پەیوەندیدار ب خێزانێڤە نەشاینە سەنتەرەکێ بھێز ب دانن بۆ رەوشەنبیرکرنا خێزانێ و ڤێ چەندێ کارتێکرنەکا مەزن یا ھەی ل سەر خێزانێ ھەمی دایک و باب حەز دکەن، ژیانەکا خوش و بێ کێشە و ئاریشە ببەنە سەر، بەس ئاریشا وان ئەوە کو نزانن یان تێناگەھن چاوا دێ وێ ژیانا بێ کێشە و ئاریشە بەنە سەر ل پتریا وەلاتێن جیھانێ ب تایبەتی وەلاتێن پێشکەفتی سەنتەر ھەنە، بەس نەوەکی سەنتەرێن ل وەلاتێ مە ھەین، بەلکو یا گرنگە سەنتەر خوە ل چەندین کێشە و ئاریشێن خێزانێ بکەتە خودان، بۆ  نموونە ژ لایێ ئابۆری و رەوشەنبیری و چاوانیا پەروەردەکرنا زارۆکان و گرنگیا چارەسەرکرنا ئاریشان ب رێکێن زانستی و دیسان یا گرنگە راگەھاندن ژی روولێ خوە ببینیت ل سەر رەوشەنبیرکرنا خێزانێ و پەیاما خوە یا رووھن و ئاشکرا ھەبیت.

مخابن مە گەلەک دەزگەهـ ھەنە، بەس ھێشتا دبوارێ پراکتیکی دا نەشیاینە وەکو پێدڤی خزمەتا خێزانێ بکەن و ببنە رێنیشاندەر بۆ چارەسەرکرنا گەلەک بابەتان کو دگرنگن بۆ خێزانێ و ئەم نەشیێن وەلاتەکێ پێشکەفتی درۆست بکەین بیێ ھەبوونا خێزانەکا رەوشەنبیری و ئەم نەشێین خێزانەکا رەوشەنبیر درۆست بکەین بێی ھەبوونا سەنتەرەکێ بھێز کو ب ھویری کێشە و ئاریشێن خێزانێ بەرچاڤ بکەت بۆ ھندێ لایەنێ مادی ژی بشێت روولێ خوە ببینیت کو حکومەتە.

دیسان یا گرنگە خێزانێ بخوە ب شیانێن خوە خو رەوشەنبیر بکەت و ھەمی تشتان نەھێلیتە ب ھیڤیا حکومەتێ یان رێکخراو و سەرنتەرانڤە، ژ بەرکو یا گرنگە خێزانێ باوەری ب خوە ھەبیت وەکی دبێژن: ئەو نانا مرۆڤ ب دەستێ خوە درۆست بکەت گەلەک باشترە ژ دەهـ نانێن ئێک بۆ مرۆڤی درۆست بکەت و گوھۆرینا و ھێلانا ژیانەکا بەرەلایی گەلەکا گرنگە نوکە خێزان و ئەندامێن خێزانێ دەم یێ ژ بیرکری و ھەبوونا ژینگەھەکا پاقژ و ھەبوونا ژیانەکا سیستەمکری یا گرنگە،به‌لێ بۆڤێ چەندێ ژی خەباتەکا دوور و درێژ دڤێت، ژ بەرکو خالێن گرنگئه‌ون كو  دڤێت ژ لایێ ئابۆرى و ئه‌قلى ڤه‌ خێزانێ چ ئاریشە نەبن.

بێ گۆمان ھەبوونا سەنتەرەکی یا گرنگە بۆ خێزانێ، ژ بەرکو گەلەک جارا مرۆڤ پێدڤی ب گەلەک تشتانە بزانیت و مرۆڤ دشێت ب رێکا سەنته‌رەکێ کێشە و ئاریشێن خوە چارەسەر بکەت و ئەز دبینم یا گرنگە ژن و زەلام تێبگەھن و پەرتووکان بخوینن بۆ ھندێ زالببن ل سەر ھەمی ئاستەنگێن ژیانێ.

ل دوماهیكێ یا گرنگە سەنتەر ھەبن و بشێوەیەکێ بەرفره‌هـ کار بکەن ل سەر کێشە و ئاریشێن خێزانێ و پاشان رێک بھێتەدان کەسێن بسپۆر ب رێکا سیمینارا و راگەھاندنێ ئەو تشتێ گرنگ بۆ خێزانێ بھێتەگۆتن و ئەڤە چەندین سالە ھیڤیا مە ئەوە ب درۆستی کار بھێتەکرن ل سەر ئەڤی بابەتی، ژ بەرکو ب راستی ھندەک کێشە و ئاریشێن گەلەکێن بچووک وەکی بکارئینانا موبایلێ و نەدرۆستکرنا خوارنێ ددەمێ خوەدا ژن و مێر یێ ژێک ڤە دبن، ھەر ژ بەرھندێ ئەز دبینم خێزانێ پێدڤی یا ب ڤان جورە سەنتەران ھەی بۆ ھندێ دھەمی بواراندا پێشبکەڤیت و گەشەبکەت و یا گرنگه‌ هه‌ر خێزانه‌ك باش بزانیت كو هه‌موو ئاریشه‌ ژ نه‌بوونا ئه‌قله‌كێ ساخله‌م درست دبن و ئاریشێن ئه‌قلى گه‌له‌ك مه‌ترسیدارترن ژ یێن ئابۆرى.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.