ئارنچ: یێن باباجان و داودئۆغلویی ب خایین لقەلەم ددەن، ب خوە خایینن

ئارنچ: یێن باباجان و داودئۆغلویی ب خایین لقەلەم ددەن، ب خوە خایینن

WAAR-دهۆك:

ئەندامەکێ دەستەیا شیرەتکارێن سەرۆکاتییا کۆمارا تورکیا د ھەلوەستەکێ سەیر دا دیار کر کو دیرۆکا باباجان و داودئۆغلویی پاقژە و یێن وان ب خایین ل قەلەم ددەن ب خوە خایینن.
بولەنت ئارنچ، ئەندامێ دەستەیا بلند یا شیرەتکاری یا سەرۆکاتییا کۆمارا تورکیا د داخویانییەکا تەلەڤزیۆنی دا ل دۆر خایینکرنا ئەحمەد داود ئۆغلو، سەرۆکێ بەرێ یێن وەیزرێن تورکیا و عەلی باباجان، وەزیرێ بەرێ یێ ئابۆرا تورکیا ژ ئالییێ ھندەک سەرکردەیێن پارتییا داد و گەشەپێدانێ، ئاکەپێ ڤە، راگەھاند: ئەو نەشێت وەسفکرنا باباجان و داودئۆغلویی ژ ئالییێ ھندەک کەسان ڤە ب خایین، قەبوول بکەت، بەلکو ئەو سیفەتە پتر ژ وان کەسان دھێت یێن وێ ب ئاوایەکێ بەرەللایی بکار دئینن.
ئارنچی گۆت ژی: باباجانی دەست ژ سازییەکا مالباتی یا سەدسالی بەردا و تەڤلی ئاکەپێ بوو و ھەموو تیما وی ھەڤالێن وانن و ئەو حەز ژێ دکەن و رێزێ لێ دگرن و ئەو ب خوە نەشێت وەسفکرنا وان ب خایین قەبوول بکەت، ژ بەر کو دیرۆکا وان پاقژە، لێ ئەو دبێژیت کو باباجان و داودئۆغلو شاشییەکا سیاسی دکەت و پێدڤییە ئەو وەک ئاکەپەیی ھەول بدەن شاشییێن وان نیشان بدەن و وان ژێ پاشگەز بکەن.

بابه‌تێن ب ڤێ مژارێ ڤه‌ گرێدای