ئارمانج رێ ددە ئالاڤی (١)

عادل حەسەن

ب بورینا دەمی زۆربەی سیاستمەدارێن کورد ھاتینە باندۆرکرن ب گوۆتنا فەلسەفی ئەوا دبێژن (ئارمانج رێ ددەتە ئالاڤی)، جھێ داخێیە ئەڤ گۆتنە ب چەواشەیی ھاتییە وەرگرتن، وەسا ھزردکەن کوئەڤە باوەریا میکافیلیی یە وب وی ئاوایی ھزرا خۆ دارێشتییە، لێ میکافیلی وەسا ھزرنەکریە بەلکو شرۆڤەکرنا ھەلسوکەوتا سیاسیان کرییە و گۆتییە میر و سیاسی ھوسا کارێ خۆ برێڤەدبەن ب گۆر تێگەھشتنا من بۆ پەرتوکا (میر) یا میکافیلی. ئەڤ بۆچوونا ژەھراوی، بوویە لافیتەیەکا مەزن د مەژیێ زوربەی سیاسێن کوردا و رۆژانە ب شێوەیەک ژ شێوەیان کاری پێدکەن و کرییە تێگەھێ رۆژانە د ھەلسوکەوتێ خۆ دا، د ئەنجام دا ئەڤ ھەلسوکەوتە نەمایە ل جەم کەساتییا وان بەلکو رەنگڤەدایە دناڤ پارتێن وان یێن سیاسی دا. ئەڤ ھزرە تاکو سەرھلدانا ١٩٩١ بشێوەیەکێ زال رۆل نەدیتبوو، لێ پشتی باشوورێ کوردستانێ نیمچە سەربەخۆیەک وەرگرتی وپەرلەمان وحکومەت ھاتینە ھەلبژارتن، واتە ھەلبژارتن بوویە بنگەھێ دانانا حکومەت و پەرلەمانی، تیگەھێ (ئارمانج رێددەتە ئالاڤی) پتر گەشەبوویە دناڤ پارتێن سیاسێن کوردی، نەخاسمە دەزگاێن راگەھاندێن وان پشکا شێری یا ڤی تێگەھی وەرگرتیە، بوویە بنواشێ ئاڤاکرنا بوویەران و دروستکرنا رایا جەماوەری، واتە گەھشتییە وی رادەی کو ھاولاتی نزانیت سروشـتێ دروستێ رویدانێ چییە، ئەگەرێ نەزانینێ ژی ئەوە کو ھەر سازییەکا راگەھاندێ ب گۆر بەرژەوەندێن خۆ یێن حزبی رویدانا بەرچاڤدکەن، د ئەنجام دا ھاولاتی بێ زاربوو ب بەردەوامبوونا ڤێ دەستەواژەی، تاکو گەھشتیە وی رادەی کو ژێدەرێن پێزانینێن ھاولاتیێ کورد بوونە دەزگایێن راگەھاندنێن بیانی و نەخاسمە دەزگاێن عەرەبی و تورکی و فارسی، واتە مە کودان ب دەستێن خۆ ھاولاتییێ خۆ پالدا بۆ بن سیبەرا دەزگاێن بیانی و نەخاسمە دەزگاێن وان ولاتان یێن کو ناکوکی ھەی دگەل کێشا کوردی و ب سەدان سالە ئاخا کوردی داگیرکری و مللەتێ کورد بن دەست کری، ب ڤی کاری ئەو دەزگایە ب شێوەیەکێ زانستی و ب فەلسەفەیەکا دیارکری و ب سیاسەتکا دوگمائی دابەزینە سەرپارتێن کوردی و دەزگایێن حکومی، ب رێکا ھەوالگیریێن خۆ شیان چەندێن نھێنییان دناڤ پارتێن کوردی و دەزگایێن حکومی بزانن وئەو نھێنی ب شێوەیەکێ ژ شێوەیان گوگراندن ب گۆر بەرژوەندیێن خۆ و ئەو گوگراندنە بەرچاڤکرن ل دەزگاێن خۆ یێن راگەھاندێ و شیان کەساتیا کوردی بگەھینە قۆناغێن بێ ئومیدیێ و بێ باوەریێ، رەگەزێ گومانێ (شک) کرە د مەژیێ کوردی دا، نەک گومانا مرۆڤی بەرەڤ راستییێ دبەت ئەوا دیکارت دبێژە، بەلکو گومانا مرۆڤی بەرەڤ بێئومێدیێ دبەت و باوەریێ ب کەسێ نامینە و پیرۆزی بێرێز دبن وڤخەباتکەر بێقیمەت دبن، راستی دبە ناراستی، ناراستی دبە راستی.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.