ئارمانج رێدده‌ ئالاڤى (8) – پرسوس و پۆلیس

ئارمانج رێدده‌ ئالاڤى (8) – پرسوس و پۆلیس

عادل حەسەن

چ وه‌ك پشتگیریا لیستا كوردى لباكورێ كوردستانێ  و چ وه‌ك خاندن و شروڤه‌كرنا بارودوخێ سیاسى بو باكورێ كوردستانێ و ره‌وشا سیاسی لتوركیا، به‌رى هه‌لبژارتنێن ڤێ داویێ، ئه‌ز چه‌ندین جارا چومه‌ باكورێ كوردستانێ و توركییا ، من چاڤپێكه‌تن دگه‌ل خه‌لكێ ره‌وشه‌نبیركرن و دیسان دگه‌ل خه‌لكێ ساده‌ و نێرینه‌ك دایه‌ راگه‌هاندنا كوردى و توركى ، لئه‌نجام گه‌هشتبومه‌ ڤان خالێن خوارێ:

1/ ره‌وشا سیاسى لناڤا شه‌قامێ كوردى و تو‌ركى زورا دژواربوو ، چ روناهێن پێكڤه‌ ژیانێ دناڤا واندا نه‌دهاته‌ خویاكرن.

2/ هه‌ردوو ئالیان بشێوه‌یه‌ك نه‌ ئاشكرا ، به‌لكو برێكا رێكخستنێن خو ، توڤێ نه‌پێكڤه‌ ژیانێ و دژاتییا هه‌ڤدوو و دوژمنكاریێ به‌لاڤ دكر دناڤا جه‌ماوه‌رێ خودا كو پێچه‌وانه‌ى وان دروشمان ئه‌وێن لهه‌وا پروپاگه‌ندێ به‌لاڤدكرن ، واته‌ كه‌ساتییه‌ك دولایه‌نى دروست كربوون.

3/ ژرویێ ده‌رونى ڤه‌ ، كه‌ساتییه‌ك هاتبوو ئاڤاكرن ، مینا ئاگر و پانزینێ لێ هاتبوو، گه‌هشتبوو وى راده‌ى ده‌مێ كریاره‌ك نه‌مروڤایه‌تى ده‌رهه‌قى كوردان هاتبوو لده‌ڤه‌رێن كوردى : دا گرنژین و ئاهه‌نگ لده‌ڤه‌رێن توركى په‌یدابیت ،ده‌مێ پولیسه‌ك هاتبوو كوشتن یان برینداركرن : داگرنژین لده‌ڤ كه‌سێ كورد په‌یدابیت ، دیسان هه‌مان سه‌قا لناڤا هێزێن سیاسێن كوردى دروست ببوو و نه‌خاسمه‌ دناڤبه‌را هێزێن ئیسلامى ێن كوردى و هێزێن دیموكراسێن كوردى كو گه‌هشتبوو رادێ كوشتن و برینداركرنا هه‌ڤدوو.

4/ ژروێن په‌یوه‌ندێن سیاسیڤه‌ ، ئه‌ز دكارم بێژم سێ ئالێن په‌یوه‌ندیا دروست ببون:

ئالیێ ئێكێ: زۆر ئالێن كوردى ژده‌رڤه‌ى باكۆرێ كوردستانێ نه‌خاسمه‌ ژ باشوورێ كوردستانێ ژبۆ بهێزكرنا جه‌ماوه‌رێ خۆ ل باشوور و بك وره‌یی و ب مكافیلیه‌ت پشتگیریا هێزێن كوردى ێن باكۆر دكر و مینا چیرۆكا (چاڤێن ته‌ سوربه‌ینه‌ و میێن ته‌ قژ بوینه‌ ، زه‌ندكێن ته‌ بوینه‌ بوینه‌ ئاسن وووووووووو) و جهێ داخێ بوو كو هێزێن باكۆر باوه‌ر دكر.

2/ ئالیێ دویێ: زوربه‌ى ئالێن توركى ێن توند ره‌و ، دیسان بكوره‌یى پستگیرا هێزێن توركى ێن ده‌مارگیر دكرن و دگوتن نابیت كوردان هه‌بونا خو هه‌بیت لسه‌ر عه‌ردێ توركى

3/ ئالیێ سیێ: ئالیێ میانره‌و و ئاشتى خواز چ كوردى و چ توركى ، ێن كوردى ێن ده‌رڤه‌ى باكورێ كوردستانێ، نه‌خاسمه‌ لباشورێ كوردستانێ و بتایبه‌ت سه‌روكێ هه‌رێما كوردستانێ هه‌رده‌م دگوتنه‌ هێزێن كوردى ێن باكور كو برێكا ئاشتیێ و بهه‌ڤرا كاركرن دێ زوتر ئه‌نجامێن باش بده‌ست خوڤه‌ ئینن ، دیسان ئالێن میانره‌وێن توركیژى هه‌رده‌م دگوتنه‌ هێزێن سیاسێن توركى كو پێتڤیه‌ بئاشتیانه‌ و بدیالوك ئاریشا كوردى چاره‌سه‌ر بكه‌ن و نه‌خاسمه‌ چڤاتا ئاقلمه‌ندا. لێ جهێ داخێبوو ئالیێ كوردى لباكورى هه‌رده‌م لناڤا رێكخستنێن خودا ئه‌و هێزێن میانره‌و و ئاشتىخواز بهێزێن دیڤه‌لانك و ترسنوك و نه‌نه‌ته‌وه‌یى  قه‌له‌مددان ، بهه‌مان شێوه‌ هێزێن توركى ێن میانره‌و دهاتنه‌ قه‌له‌مدان .

لداویێا زڤرینا خودا لباكور ئه‌ز گه‌هشتبوومه‌ هنده‌ك ئه‌نجامان ، لێ لوى وه‌ختى من نه‌دخواست به‌لاڤبكه‌م ، لێ گه‌له‌ك هه‌ڤال شاهدن ژبوو ڤان ئه‌نجامێن ئه‌ز گه‌هشتیمێ ، بكورتى ئه‌نجام ژى ئه‌ڤه‌ بوون:

1/ به‌شێ له‌شكه‌رى ێ (پ. ك .ك ) بهێچ شێوه‌یه‌كێ قه‌بولناكه‌ت ئه‌ڤ ئاشتییه‌ سه‌ر بگریت.

2/ به‌شێ دمارگیرێت توركى و هێزێن له‌شكه‌رى و هێزێن ئه‌منى ێن توركى بهیچ شێوه‌یه‌كێ قه‌بول ناكه‌ت ئاشتى رولێ خو هه‌به‌ یان سه‌ر بگره‌.

3/ من هزر دكر كو ئه‌ڤ رویدانێن نوكه‌ رویدده‌ن ، دێ به‌رى هه‌لبژارتنا رویده‌ن.

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.