ئارمانج رێدده‌ ئالاڤى 7 – پرسوس و پۆلیس

عادل حەسەن

ئارمانج رێدده‌ ئالاڤى 7 –

پرسوس و پۆلیس

چ وه‌ك پشتگیریا لیستا كوردى ل باكۆرێ كوردستانێ  و چ وه‌ك خواندن و شروڤه‌كرنا بارودوخێ سیاسى بۆ باكۆرێ كوردستانێ و ره‌وشا سیاسی ل توركیا، به‌رى هه‌لبژارتنێن ڤێ داویێ، ئه‌ز چه‌ندین جاران چوومه‌ باكۆرێ كوردستانێ و توركییا، من چاڤپێكه‌تن دگه‌ل خه‌لكێ ره‌وشه‌نبیركرن و دیسان دگه‌ل خه‌لكێ ساده‌ و نێرینه‌ك دایه‌ راگه‌هاندنا كوردى و توركى، د ئه‌نجام دا گه‌هشتبوومه‌ ڤان خالێن خوارێ:

1/ ره‌وشا سیاسى لناڤا شه‌قامێ كوردى و تو‌ركى زۆرا دژواربوو، چ روناهیێن پێكڤه‌ژیانێ دناڤا وان دا نه‌دهاته‌ خویاكرن.

2/ هه‌ردو ئالیان بشێوه‌یه‌ك نه‌ ئاشكرا، به‌لكو برێكا رێكخستنێن خۆ، توڤێ نه‌پێكڤه‌ژیانێ و دژاتییا هه‌ڤدو و دوژمنكاریێ به‌لاڤ دكر دناڤا جه‌ماوه‌رێ خودا كو پێچه‌وانه‌ى وان درووشمان ئه‌وێن ل هه‌وا پروپاگه‌ندێ به‌لاڤدكرن، واته‌ كه‌ساتییه‌ك دولایه‌نى دروست كربوون.

3/ ژ رویێ ده‌روونى ڤه‌، كه‌ساتییه‌ك هاتبوو ئاڤاكرن، مینا ئاگر و پانزینێ لێ هاتبوو، گه‌هشتبوو وى راده‌ى ده‌مێ كریاره‌ك نه‌مرۆڤایه‌تى ده‌رهه‌قى كوردان هاتبوو لده‌ڤه‌رێن كوردى: دا گرنژین و ئاهه‌نگ ل ده‌ڤه‌رێن توركى په‌یدابیت، ده‌مێ پۆلیسه‌ك هاتبوو كوشتن یان برینداركرن: داگرنژین ل ده‌ڤ كه‌سێ كورد په‌یدابیت، دیسان هه‌مان سه‌قا لناڤا هێزێن سیاسێن كوردى دروست ببوو و نه‌خاسمه‌ دناڤبه‌را هێزێن ئیسلامى یێن كوردى و هێزێن دیموكراسیێن كوردى كو گه‌هشتبوو رادێ كوشتن و برینداركرنا هه‌ڤدو.

4/ ژ روویێن په‌یوه‌ندێن سیاسیڤه‌، ئه‌ز دكارم بێژم سێ ئالیێن په‌یوه‌ندیان دروست ببوون:

ئالیێ ئێكێ : زۆر ئالێن كوردى ژ ده‌رڤه‌ى باكۆرێ كوردستانێ نه‌خاسمه‌ ژ باشوورێ كوردستانێ ژبۆ بهێزكرنا جه‌ماوه‌رێ خۆ ل باشوور و ب كوره‌یی و ب مكافیلیه‌ت پشتگیریا هێزێن كوردى ێن باكۆر دكر و مینا چیرۆكا ( چاڤێن ته‌ سوربوو‌ینه‌ و میێن ته‌ قژ بووینه‌ ، زه‌ندكێن ته‌ بووینه‌ ئاسن وووووووووو) و جهێ داخێ بوو كو هێزێن باكۆر باوه‌ردكر.

2/ ئالیێ دویێ: زوربه‌ى ئالێن توركى ێن توندره‌و، دیسان ب كوره‌یى پشتگیریا هێزێن توركى ێن ده‌مارگیر دكرن و دگۆتن نابیت كوردان هه‌بوونا خو هه‌بیت لسه‌ر عه‌ردێ توركى.

3/ ئالیێ سیێ: ئالیێ میانره‌و و ئاشتى خواز چ كوردى و چ توركى، یێن كوردى ێن ده‌رڤه‌ى باكورێ كوردستانێ، نه‌خاسمه‌ ل باشوورێ كوردستانێ و بتایبه‌ت سه‌روكێ هه‌رێما كوردستانێ هه‌رده‌م دگۆتنه‌ هێزێن كوردى ێن باكۆر كو برێكا ئاشتیێ و بهه‌ڤرا كاركرن دێ زووتر ئه‌نجامێن باش بده‌ست خوڤه‌ ئینن، دیسان ئالیێن میانره‌وێن توركی ژى هه‌رده‌م دگۆتنه‌ هێزێن سیاسیێن توركى كو پێدڤیه‌ ب ئاشتیانه‌ و ب دیالوك ئاریشا كوردى چاره‌سه‌ر بكه‌ن و نه‌خاسمه‌ جڤاتا ئاقلمه‌ندان. لێ جهێ داخێبوو ئالیێ كوردى ل باكۆرى هه‌رده‌م دناڤا رێكخستنێن خۆ دا ئه‌و هێزێن میانره‌و و ئاشتیخواز بهێزێن دیڤه‌لانك و ترسنوك و نه‌نه‌ته‌وه‌یى  قه‌له‌مددان، بهه‌مان شێوه‌ هێزێن توركى ێن میانره‌و دهاتنه‌ قه‌له‌مدان.

د داوییا زڤرینا خودا ژ باكۆر ئه‌ز گه‌هشتبوومه‌ هنده‌ك ئه‌نجامان، لێ ل وى وه‌ختى من نه‌دخواست به‌لاڤبكه‌م، لێ گه‌له‌ك هه‌ڤال شاهدن ژبۆ ڤان ئه‌نجامێن ئه‌ز گه‌هشتیمێ، ب كورتى ئه‌نجام ژى ئه‌ڤه‌ بوون:

1/ به‌شێ له‌شكه‌رى یێ (پ. ك .ك) ب هیچ شێوه‌یه‌كێ قه‌بولناكه‌ت ئه‌ڤ ئاشتییه‌ سه‌ر بگریت.

2/ به‌شێ دمارگیرێن توركى و هێزێن له‌شكه‌رى و هێزێن ئه‌منى یێن توركى بهیچ شێوه‌یه‌كێ قه‌بول ناكه‌ت ئاشتى رولێ خۆ هه‌به‌ یان سه‌ر بگره‌ .

3/ من هزر دكر كو ئه‌ڤ رویدانێن نوكه‌ رویدده‌ن، دێ به‌رى هه‌لبژارتنا رویده‌ن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.