ئارسنال و ئه‌تله‌تیكۆ مه‌درید د یاریێن ڤه‌بڕ دا

ئارسنال و ئه‌تله‌تیكۆ مه‌درید د یاریێن ڤه‌بڕ دا

وار – دهۆک :

چاڤه‌ڕێیه‌ ئه‌ڤرۆ لده‌مژمێر 10:45 ب شه‌ڤ دو یاریێن دی ژ قاره‌مانییا یانه‌یێن ئۆرۆپا قاره‌مانێن خولا ژ قۆناغا 16ێ و ڤه‌بر بۆ قۆناغا هه‌شتێ بهێنه‌كرن ئه‌وژی بڤی ره‌نگی نه‌
مۆناكۆ( فرانسا)× ئارسنال(ئنگلیز)
تیما یانه‌یا ئارسنال دێ بیته‌ مێڤانا یانه‌یا مۆناكۆ ل یاریگه‌ها لویس یێ دووێ د یارییه‌كا پڕ هه‌ڤڕك و بهێز دا، دڤێ یاریێ دا تیما ئنگلیزی ئه‌وا د یارییا ئێكێ دا ژ قۆناغا 16ێ دگه‌ل مۆناكۆ لسه‌ر ئه‌ردێ خۆ ب سێ گۆلان به‌رامبه‌ر گۆله‌كێ هاتییه‌ دۆڕاندن، دڤێت ب جوداهییا دو گۆلان سه‌ركه‌ڤتنێ لسه‌ر خودانێن ئه‌ردی بینت دا ده‌ربازبیت، هه‌رچه‌نده‌ ستێرا وێ ئه‌لێكس ئۆكسیلید به‌رهه‌ڤ نابیت، به‌لێ هیڤێن راهێنه‌رێ وێ ئارسن ڤینگه‌ر بوو سه‌ركه‌ڤتنێ دگه‌شن، ئه‌وێ دیاركری كو د یارییا بۆریدا هنده‌ك خه‌له‌تی هه‌بوون، به‌لێ ئه‌م درژدن سه‌ركه‌ڤتنێ تۆماربكه‌ین و خه‌له‌تیێن خۆ چاره‌سه‌ركه‌ین، ژلایه‌یێ خۆڤه‌ یانه‌یا مۆناكۆ د ده‌مه‌كێ خۆش دا دژیت بتایبه‌تی پشتی دوماهی سه‌ركه‌ڤتن دخولا فره‌نسایێ دا، به‌لێ پێشبینی هوسا دیاردكه‌ن كو یانه‌یا فره‌نسی شیانێن هه‌یین به‌رگریێ ژ گۆلا خۆ بكه‌ت هه‌مبه‌ری وێ ئارسنالێ شیانێن زڤڕینێ و تۆلڤه‌كرنێ ژی لده‌ڤ هه‌نه‌.
ئه‌تله‌تیكۆ مه‌درید(ئسپانیا) × بایرن لیڤه‌ركۆزن(ئه‌لمانیا)
تیما یانه‌یا ئه‌تله‌تیكۆ مه‌درید دێ بهێزترین و یارییا ئاگرین دا مێڤاندارییا هه‌ڤڕكا خۆ بایرن لیڤه‌ركۆزن ل یاریگه‌ها خۆ ڤێسێنتی كالدیرۆن كه‌ت، د یارییا بۆریدا تیما ئه‌لمانی شیابوو ب گۆله‌كێ سه‌ركه‌ڤتنێ لسه‌ر تیما ئسپانی تۆماربكه‌ت، به‌لێ دڤێ یاریێ دا دێ گه‌له‌ك بۆچۆن و پێشبینی هێنه‌كرن، ژبه‌ركو تیما ئه‌تله‌تیكۆ مه‌درید ژلایێ جه‌ماوه‌رێ خۆڤه‌ یا داخوازكرییه‌ ئاست و ئه‌نجامێن خۆ بزڤڕینت، دیێگۆ سیمیۆنی راهێنه‌رێ وێ دیاركر كو تنێ ئاریشه‌یا وان ئێرشبه‌ره‌كێ گۆلكه‌ره‌، تیما وان د چار یاریێن بۆریدا بتنێ ئێك گۆل تۆماركرییه‌، له‌ورا دڤێت ڤی یاریێ بزڤڕینه‌ ئاست و ئه‌نجامێن خۆ، ژلایێ خۆڤه‌ ئێرشبرێ بایرن لیڤه‌ركۆزن یوسیب درمیتچ دیاركر كو ڤێت هزرا یارییا بۆری نه‌كه‌ین، هه‌ر ژده‌ستپكێ ئه‌م بوو تۆماركرنا گۆلێ ئیرشان بكه‌ین، ئه‌ڤ یارییه‌ وه‌كو یا دوماهیێیه‌، ئه‌م تیما خۆ باش دنیاسین و مه‌ پلانێن سه‌ركه‌ڤتێ هه‌نه‌.
تێ زانین هه‌تا نوكه‌ چار یانه‌ ده‌ربازبوونه‌ قۆناغا هه‌شتێ ئه‌وژی(ریال مه‌درید یا ئسپانی قاره‌مانا وه‌رزێ بۆری، بایرن میۆنخ یا ئه‌لمانی قاره‌مانا 2013ێ، پاریس سانجێرمان یا فره‌نسی و پۆرتۆ یا پۆرتۆگالی).

بابه‌تێن ب ڤێ مژارێ ڤه‌ گرێدای